Sulmuesi “braktis” Partizanin, shfaqet te Vllaznia

Rrok Toma është një nga lojtarët që po vuan për minuta te Partizani në këtë fillim sezoni. Ndonëse edicionin e kaluar dukej titullar, këtë herë me trajnerin Florian Bratu situata ka ndryshuar.

Në shumicën e ndeshjeve, Toma është aktivizuar nga stoli, çka konfirmon se nuk është zgjedhje e parë për trajnerin.

Së fundmi, sulmuesi është parë në stadiumin e Laçit. Toma ka ndjekur në shkallët e stadiumit duelin mes Laçit dhe Vllaznisë.

Ai ka pranuar se është një tifoz i shkodranëve, ndonëse luan për Partizanin. Po ashtu, ishte pjesë e kuqebluve për ndeshjet e Europës, i huazuar nga Partizani.