Teuta “fundos” Vllazninë dhe nis shkëputjen, si ndryshon renditja në Superiore

Teuta triumfoi 2-0 ndaj Vllaznisë në transfertë, në duelin e javës së pestë në Superiore. Ky është suksesi i katërt radhazi për durrsakët, pas barazimit në javën e parë.

Në krahun tjetër, kriza duket se nuk ka fund te Vllaznia, që duket në vështirësi të mëdha në këtë fillim sezoni.

Pjesa e parë u mbyll me avantazhin 0-1 të bregdetarëve, pas golit të shënuar nga Umejiego në minutat shtesë.

I njëjti autor shënoi edhe në fillimin e fraksionit të dytë, për t’i dhënë golin e qetësisë Teutës.

SHIKONI KLASIFIKIMIN: RENDITJA E KATEGORISË SUPERIORE

Vllaznia tentoi të reagonte, por ishte e pafuqishme për të shënuar të paktën një gol. Me këtë sukses, Teuta shkëputet në krye të renditjes me 13 pikë, ndërsa Vllaznia renditet në vendin e fundit me vetëm dy pikë në pesë javë kampionat.