Tirana-Elbasani, merret vendimi për tifozët

Përballja mes Tiranës dhe Elbasanit do të zhvillohet pa praninë e publikut në shkallët e stadiumit.

Vendimi është marrë tashmë dhe pritet vetëm zyrtarizimi nga ana e klubit bardheblu.

Drejtuesit e Tiranës tentuan që kjo sfidë të luhej me tifozë në tribuna. Gjithsesi, organet kompetente vendosën që takimi të zhvillohet me dyert e mbyllura për shkaqe sigurie.

Në këtë mënyrë, masat e marra nuk do të lejojnë futjen e mbështetësve të të dyja ekipeve.

Ndeshja mes Tiranës dhe Elbasanit është programuar të luhet ditën e diel.

Njoftimi zyrtar nga klubi kryeqytetas pritet të bëhet publik gjatë orëve të ardhshme.