Edi Martini është shumë pranë largimit nga drejtimi i skuadrës së Vllaznisë pas rezultateve negative në kampionat.
Shkodranët kanë regjistruar tri humbje dhe dy barazime pa marrë asnjë fitore në pesë javët e para të Abissnet Superiore. Kjo seri e dobët ka bërë që drejtuesit e klubit të humbasin durimin me teknikun.
Sipas raportimeve, para përballjes me Teutën, presidenti Alban Xhaferi i ka kërkuar dorëheqjen trajnerit. Megjithatë, Martini ka refuzuar këtë kërkesë duke kërkuar dëmshpërblim financiar ose respektimin e plotë të kontratës.
Humbja e sotme e ka rënduar edhe më shumë pozitën e tij në krye të pankinës kuqeblu. Gjithsesi, mbetet për t’u parë nëse palët do të gjejnë një gjuhë të përbashkët për ndërprerjen e bashkëpunimit.
Vendimi përfundimtar mbi të ardhmen e stolit pritet të zyrtarizohet nga klubi shkodran gjatë orëve në vijim.
