VIDEO/ Skena të pazakonta nga Vllaznia, Kallakun e gjuajnë me… kartëmonedha

Sherif Kallaku është përballur me një pritje armiqësore gjatë rikthimit të tij në Shkodër.

Mesfushori u kontestua ashpër nga tifozët e Vllaznisë pas vendimit për t’u transferuar te Teuta gjatë merkatos së verës.

Gjatë futjes në dhomat e zhveshjes pas nxehmjes, nga tribunat u hodhën drejt tij kartëmonedha të printuara me fytyrën e vetë lojtarit.

E njëjta skenë u përsërit edhe në momentin kur skuadrat po dilnin në fushë për rreshtimin zyrtar para fillimit të ndeshjes.

Përkrahësit kuqeblu shprehën në këtë mënyrë pakënaqësinë e tyre për largimin e fantazistit drejt ekipit durrsak.

Reagimi i publikut konfirmoi se kalimi te Teuta ka krisur përfundimisht marrëdhënien e futbollistit me ambientin shkodran.