Ian Soler është pranë nisjes së një etape të re në karrierën e tij.
Mesfushori spanjoll, i cili u largua nga Tirana pas përfundimit të bashkëpunimit, pritet të transferohet në kampionatin e Kosovës.
Destinacioni i radhës për lojtarin pritet të jetë skuadra e Drenicës. Pas një eksperience jo bindëse me bardheblutë, Soler nuk ishte më pjesë e planeve të klubit kryeqytetas.
Si pasojë, ai ka qenë në kërkim të një ekipi të ri për vazhdimin e karrierës. Burime pranë lojtarit bëjnë me dije se bisedimet me Drenicën janë në fazë të avancuar.
Marrëveshja pritet të zyrtarizohet në ditët në vijim. Kalimi në Kosovë do t’i japë Solerit mundësinë të aktivizohet rregullisht në elitën e futbollit kosovar.
