Mbrojtësi Amar Gërxhaliu pritet të jetë një nga risitë më të mëdha në listën e Kombëtares Shqiptare që do të publikohet nesër, sipas asaj që raportohet nga “Albanian Talents”.
Shtatlarti 24-vjeçar, me një gjatësi prej 1.93 metrash, po kalon një formë të shkëlqyer në futbollin turk.
Aktualisht ai luan si titullar i padiskutueshëm te skuadra e Erzurumspor, ku është kthyer në një shtyllë të mbrojtjes. Pasi hodhi hapat e parë te Vushtrria, Gërxhaliu u zhvillua më tej në akaderimin e njohur të İstanbul Başakşehir.
Në vitin 2022 ai u transferua te Antalyaspor për të nisur karrierën e tij si profesionist, përpara se të kalonte te Erzurumspor. Në të kaluarën, qendërmbrojtësi ka qenë pjesë e kombëtares së Shqipërisë U-18 gjatë moshave të reja.
Më pas ai zgjodhi të përfaqësonte Kosovën në nivelet U-19 dhe U-21 në arenën ndërkombëtare.
Tashmë, Gërxhaliu vendos të veshë sërish fanellën kuqezi, këtë herë për të bërë debutimin me Kombëtaren A.
