Egnatia triumfoi 0-2 ndaj Laçit, në sfidën e javës së gjashtë në Abissnet Superiore. Rrogozhinasit iu falën dy golave në fund, për të marrë 3 pikë të arta.
Pavarësisht rasteve të shumta, pjesa e parë u mbyll me rrjeta të paprekura. Momenti vendimtar, u regjistrua në minutën e 72-të.
Ildi Gruda fitoi penallti për Egnatian, të cilën Loukili e ktheu në gol. Megjithatë, 11 metërshi u përsërit për parregullsi gjatë gjuajtjes.
Në tentativën e dytë, gjuajtja e Loukili u ndal nga portieri Guri, por lojtari i Egnatias shënoi nga topi i kthyer.
Kampionët në fuqi e vulosën ndeshjen në minutën e 89-të, kur Diabate shënoi të dytin pas një kundërsulmi.
Me këtë fitore, Egnatia mban vendin e dytë me 15 pikë, një më pak se Teuta kryesuese. Laçi renditet në vendin e pestë me 7 pikë.
SHIKONI KLAFISIKIMIN: RENDITJA E KATEGORISË SUPERIORE
/tvklan.al
