Federata Shqiptare e Futbollit raportohet se po monitoron me interes situatën e portierit të Cagliari-t, Elia Caprile, për një ftesë të mundshme në Kombëtare.
Lajmi i bujshëm që vjen nga mediat italiane, pretendon se FSHF po shqyrton mundësitë ligjore për gardianin 25-vjeçar. Lidhja e tij me Shqipërinë vjen përmes partneres së tij me origjinë shqiptare, e cila shihet si “çelësi” i këtij operacioni.
Megjithatë, mundësia e kësaj lëvizjeje mbetet për t’u parë, pasi çifti nuk është ende i kurorëzuar në martesë zyrtare. Caprile është grumbulluar më parë me kombëtaren e Italisë, por ka qëndruar gjithmonë në stol pa bërë debutimin zyrtar.
Sipas rregullores së FIFA-s, kjo i jep ende të drejtën portierit italian të ndryshojë përfaqësuese. Për momentin gjithçka mbetet në kuadrin e aludimeve që kërkojnë konfirmim zyrtar.
Mundësia e pasaportës shqiptare: Elia Caprile nuk ka prejardhje apo gjak shqiptar, por partnerja/bashkëshortja e tij është me origjinë shqiptare. Sipas rregullave të FIFA-s, nëse ata janë të martuar zyrtarisht, ai mund të fitojë të drejtën të përfaqësojë Shqipërinë.
