VIDEO/ Festë në Serie A! Shënon futbollisti shqiptar, Juve dhe Roma nuk zhgënjejnë

Tre ndeshjet e javës së nëntë në Serinë A, nuk prodhuan surpriza në rezultate. Juventusi u rikthye te fitorja pas shkarkimit të trajnerit Igor Tudor.

“Zonja e Vjetër” mposhti 3-1 Udinesen në shtëpi. Vendosën golat e Vlahovic dhe Gattit, për t’i dhënë 3 pikët torinezëve. Golin e vetëm për Udinesen e shënoi Zaniolo në fundin e pjesës së parë

Juventusi rikthehet te suksesi pas tetë ndeshjeve pa fitore.

Fitore regjistroi edhe Roma, që mposhti 2-1 Parmën, falë golave të Hermoso dhe Dovbyk. Me këtë triumf, verdhekuqtë mbajnë vendin e dytë me 22 pikë, po aq sa Napoli kryesues.

Në duelin tjetër, Como triumfoi 3-1 në shtëpi ndaj Hellas Verona. Golin e tretë për vendasit, e shënoi mbrojtësi shqiptar, Mërgim Vojvoda.

🚨 SERIE A! 🇮🇹

VOJVODA SEALS THE DEAL! 🤩

Como 3-1 Hellas Verona

🎥 @TheGoalsZone pic.twitter.com/GuC6zdRt67

— Polymarket FC (@PolymarketFC) October 29, 2025