Festë te klubi i Superiores, FSHF heq dënimin

Sfida e javës së katërt në Superiore mes Elbasanit dhe Egnatias do të zhvillohet me praninë e tifozëve.

Konfirmimi zyrtar ka mbërritur nga Federata Shqiptare e Futbollit pas kërkesës së klubit verdheblu. Përballja është planifikuar të luhet të dielën e 13 shtatorit duke startuar nga ora 18:30.

Elbasani ishte dënuar më parë të zhvillonte dy ndeshje pa spektatorë për shkak të trazirave të ndodhura ndaj Tiranës në fundin e edicionit të kaluar.

Pas ndeshjes kundër Vllaznisë, drejtuesit e klubit vendosën të shlyejnë me gjobë pjesën e mbetur. Rregullorja e disiplinës në FSHF e lejon konvertimin e gjysmës së dënimit në një tarifë financiare.

Me kryerjen e kësaj pagese, tifozët e Elbasanit do të kenë mundësi të mbështesin skuadrën e tyre në shkallët e stadiumit.

/CNA