Klubi i Ilirisë ka arritur të bëjë goditjen e madhe duke afruar sulmuesin nigerian James Adeniyi.
Futbollisti 33-vjeçar njihet mjaft mirë nga opinioni sportiv në vend si një nga protagonistët kryesorë të Skënderbeut të periudhës së lavdishme.
Adeniyi vjen te skuadra e re me trofe të fituar në futbollin shqiptar, dy tituj kampionë të Superiores, dy Kupa Shqipërie si dhe një Superkupë.
Përpara se të bënte historinë te korçarët, nigeriani kishte spikatur me paraqitjet e tij me ekipet e Laçit dhe Bylisit në elitë. Së fundmi, eksperienca e tij e fundit ishte në kampionatin e Izraelit.
Me ardhjen e Adeniyit, Iliria rrit ndjeshëm pretendimet e saj në Kategorinë e Parë në këtë sezon.
