Përzgjedhja e listave të Kombëtareve të moshave U-21 dhe U-19 për muajin shtator ka ngritur pikëpyetje të mëdha rreth disa emrave të caktuar.
Vëmendjen kryesore e ka marrë mungesa e dy talenteve të spikatur të sulmit kuqezi. Arman Durmishi dhe Enis Rexhepi nuk figurojnë më në grumbullimet e Shqipërisë që prej muajit mars.
Rexhepi po kalon një formë fantastike me moshat e Stuttgartit në Gjermani dhe në “UEFA Youth League”. 18-vjeçari nuk është përfshirë në listat e qershorit dhe shtatorit, duke ushqyer dyshimet mbi të ardhmen e tij.
Ndërkohë, trajneri Alban Bushi ka promovuar për herë të parë te Shqipëria U-21 sulmuesin tjetër të talentuar Gabriel Kulla. Situata rreth Rexhepit mbetet me delikate, pasi përflitet për një kalim të mundshëm të tij te përfaqësuesja e Kosovës.
