Kombëtarja shqiptare nis sonte një kapitull të ri në Ligën e Kombeve, me përballjen ndaj Bjellorusisë në stadiumin “Air Albania”.
Kuqezinjtë vijnë në këtë sfidë pas pesë humbjeve radhazi, ndërsa ende nuk kanë gjetur golin nën drejtimin e trajnerit të ri, Rolando Maran.
Italiani, i cili mori drejtimin e Kombëtares në maj pas largimit të Silvinjos, do të përjetojë sonte ndeshjen e tij të parë zyrtare në stolin kuqezi.
Përballë Shqipërisë do të jetë Bjellorusia, një skuadër që vjen në Tiranë në një moment pozitiv. Të besuarit e Viktor Goncharenkos kanë gjashtë ndeshje pa humbje, me tre fitore dhe tre barazime.
FORMACIONET ZYRTARE
Shqipëria: Berisha; Hysaj, Ismajli, Gjimshiti, Pilo; Asllani, Ramadani; Seferi, Muçi, Hoxha; Manaj.
Bjellorusia: Lapoukhov, Pechenin, Tsikhamirau, Volkov, Kalinin, Ebong, Selyava, Gromyko, Malashevich, Kontsevoi, Barkovski.
