Talenti shqiptar Arman Durmishi po vazhdon të ngjitë shkallët e karrierës te gjigantët italianë të Juventusit.
Qendërsulmuesi 18-vjeçar është përfshirë në listën zyrtare të bardhezinjve për Ligën e Evropës. Trajneri Luciano Spalletti e shikon sulmuesin e ri si një opsion të tretë mjaft premtues për repartin e avancuar.
Megjithatë, çudia e madhe qëndron te faktit se i riu nuk është përfshirë fare në listat e Kombëtares së Shqipërisë. Emri i tij mungon si te përfaqësuesja U-19, ashtu edhe te skuadra U-21 e drejtuar nga Alban Bushi.
Sulmuesi mbetet i shkëputur nga fanella kuqezi prej muajsh, që nga grumbullimi i tij i fundit në mars. Gjatë kësaj periudhe, 18-vjeçari ka shfrytëzuar mundësinë për t’u stërvitur rregullisht nën urdhrat e Spallettit te ekipi i parë.
Njëkohësisht, Juventusi e ka promovuar atë te ekipi i dytë në Serie C dhe te formacioni U-20 në “Primavera 1”.
