Artim Pollozhani ka ndërprerë bashkëpunimin me klubin e Flamurtarit, duke u larguar zyrtarisht nga detyra e drejtorit sportiv.
43-vjeçari ishte përgjegjës për ndërtimin e organikës së skuadrës gjatë këtij sezoni futbollistik. Gjatë periudhës së deritanishme të merkatos së dimrit, klubi vlonjat nuk ka zyrtarizuar ende asnjë afrim të ri në skuadër.
Drejtuesit e Flamurtarit kanë paralajmëruar ndërhyrje në përbërje gjatë ditëve në vijim për të forcuar grupin. Aktualisht, ekipi renditet në vendin e parafundit të klasifikimit, pozicion që kërkon ndryshime për të përmirësuar rezultatet.
“Vetëm Sport” mëson ekskluzivisht se favoriti për të marrë postin e drejtorit sportiv te Flamurtari, është Arbër Abilaliaj.
Ky i fundit u largua nga Partizani pak javë më parë dhe mund të marrë drejtimin te vlonjatët. Orët e ardhshme do të jenë vendimtare për drejtorin sportiv.
